Beranda > Lagu > Kucing Kurus Mandi di Papan

Kucing Kurus Mandi di Papan

Kucing Kurus Mandi di Papan
(sahilin & siti rohmah)

kucing kurus mandi di papan
mandi di papan lah kayu jati
badan kurus bukan dek makan
kurus karene lah susah ati(?)

entek entek udang di api
anting anting di dalam payak
lagi kecik lah ndak belaki
nanak secanting lagi lom pacak(?)

biar belom mandi di unak
asalkan mandi sambil berenang
biar belom pacak betanak
asalkan jadi lah same dengan(?)

umak umak belikan sagu
aku kepengen makan pek empek
umak umak cakahkan aku
aku nih malak lah tidok dewek(?)

kalu malak makan pek empek
ambeklah sagu buat tekwan
kalu malak lah tidok dewek
ingatlah dalu peloklah bantal(?)

alangkeh panjang pengerak ayam
pegi ke lebak ngambek kelepok
tinggallah siti yang kurus panjang
aku mencari yang gemok libok(?)

betuah nian bunge kelepok
ingat ke tebing lah ratas panjang
betuah nian yang gemok libok
dapat sahilin yang kurus panjang(?)

jangan ke laut sambil nyemberang
nyemberang payu sambilan mandi
jangan ase sahilin kurus panjang
panjang ini gancang nyudahi(?)

ulak ke tebing ke sungai due
ke talang maseh lah ke seberang
ulak sahilin anaknye tige
ditengah jalan ndak ngaku bujang(?)

ndak kemane lah parang panjang
pegi menebang lah batang jering
banyak lah nian denganlah diam
nonton siti tekurus kering(?)

alangkeh lurus lah kau papan
ndak dibuat lantai jerami
sahilin kurus bukan dek makan
ibarat budak kurang vitamin(?)

entek entek udang di api
angkul angkul di dalam payak
lah gi kecik ndak belaki
nanak sebakul lagi lom pacak(?)

sayang ke ume ke paye lacak
padiku abes dimakan burung
aku lah tau dengan dek galak
duetku abes rasan ndak urung(?)

pucuk pisang dibawah jantung
jantung idak bebuah lagi
biar di tetak biar di pancung
ngapelah dengan ndak ngubah janji(?)

makmane nian kite ndak mandi
pegi lah mudik ke sungai due
makmane nian kite ndak jadi
aman badan lah sudeh tue(?)

buah salak didalam jale
alangkeh banyak pisang bejantung
aman dek galak aku dek pule
idaklah buruk barang tegantung(?)

maseh lah lemak bebuah jagung
padang lah lipas di padang temu
maseh lah lemak buruk tegantung
buruk tekapar dimakan semut(?)

pegi kelaut mandinye nyelam
pegi nyemberang nak masang bubuh
janganlah dengan salah anggapan
buruk tegantung namenye lampu(?)

aman jadi ke sungai due
pegi ke ulu lah ke seberang
kalu lah jadi lah same tue
paling banyak ngadu belakang(?)

alangkeh banyak ikan seluang
ikan seluang banyak paesan
kalu lah ngadu tulang belakang
same beumeh kite dek ngetam(?)

sangkan laju pegi nyemberang
pegi ke ulu betanam kacang
sangkan laju kite dek ngetam
ari kemarau lah tige bulan(?)

kucing kurus mandi di papan
mandi di papan lah kayu jati
kalu kemarau lah tige bulan
aman dek benar ngajak nyusahi(?)

sangkan laju betanam padi
laman bebar panjang sekali
sangkan telaju nyusahi ati
karene beras mahal sekali(?)

oi makmane care ndak mandi
udang banyak di pinggir tebing
wahai makamne care ndak jadi
utang lah banyak ume lah kering(?)

Iklan
Kategori:Lagu Tag:
  1. Belum ada komentar.
  1. No trackbacks yet.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: